[5/6] 沙田、大埔廣告熱狗 + 港鐵 Enviro500

坐 66 出大窩口, 順便試下 E-510 影公路相。DSLR 對焦快、準, 基本上見到部車入晒鏡立即影就已經冇問題, 以下呢張相更加係只用 1/320 s 快門影。


入到沙田梗係想影 73A, 80K, 82K 同 86K 既廣告熱狗, 不過目標就影唔晒。

首先去第一城出面個十字路口等 73A, 80K 同 82K, 不過等左一輪熱狗都唔多部, 全車身廣告都係得部龍運港龍, 其他既都係平平無奇。

非專利城巴得番你仲可以全日, 開埋頭燈簡直正


之後行左出去城門河畔, 見到部 86K 英語豪去緊沙火, 就o係大涌橋路近火炭路交界等佢。由於呢日大涌橋路左轉入火炭路整路, 所以左轉既車都要用中線, 於是咁就可以影埋 74A, 不過都係影左部短龍。正當我等緊部老虎豪既時候, 82K 部職安健利蘭就去緊火炭。本來我個位長 zoom 埋去都可以影到左邊車身, 不過衰在有車阻影唔到, 咁唯有等番佢出黎。由於部 82K 轉入火炭路果陣, 部 86K 老虎豪都走左接近 10 分鐘, 我諗等最多兩班 86K 都等到佢番黎O掛。點知之後兩班 86K 都係利蘭 (EX5627, FP9847), 第三班先至係佢。事後睇番 d 相, 當時 86K 仲要開 10 分鐘一班o忝...


影完之後就急急腳行番去第一城果邊, 一過馬路去到小瀝源路果邊, 就望到部利蘭轉彎, 立即舉機影低...


跟住行番過轉入第一城個十字路口等多一陣 80K, 順便睇下下班 82K 係乜車。結果都係冇料到, 係影到部城巴蛋撻做校巴既安慰獎 (仲有部雙層畀車阻)


見時間尚早, 就搭 73A 去大埔影埋 71A 廣告熱狗同 K 線 Enviro500。好好彩坐到部 EV6424, 去到火炭見到另一部 73A 熱狗。埔公途中見到 FX7484 行 72 出長沙灣。


去到大埔第一站就去八號花園影 K12



跟住行過頌雅路影 71A 同埋富善影 K17



影下影下都五點幾, 諗番部 FX7484 都差唔多時候歸來, 於是去安祥路等佢番黎, 第一班車已經係, 冇早冇遲。可惜影得好差 >.<

正當 FX7484 離站之際, 另一部 72 密籠 FY2726 (又係特見) 就到, 於是我就上左車。埔公期間到佢...


落到長沙灣, 見到長沙灣道有好多巴士塞O係度, 原來美孚較早前有交通意外, 仲要搞到巴士線上荔橋上、落客。幸好我去到既時候條路剛剛通暢番。正當諗緊搭乜車既時候, 見到第一班 58X 坐滿晒, 之後仲有兩班 58X o係後方, 於是我揀左第三部 KR1850。番到屯中, 時為 19:25, 諗諗下部 960B 應該差唔多時候番, 於是等左唔駛 5 分鐘就到。