龍鼓灘晨操
上年 10 月影過一次 K52 三菱特別車 (#311), 略嫌有點大頭, 想搵日子補飛, 不過我又唔想去番同一個位影, 一來 K52 停完蝴蝶分站之後都係攞中線出, 用長鏡唔大頭就爆框 (好似之前 K58 張三菱#302 O係天主教小學影到壓迫感好大), 二來我又想入龍鼓灘影多 D 中電巴, 而入龍鼓灘方向係得夏令朝早先有正光位, 於是唯有早少少搭 K52 入到去。
朝早頭車 D 時間真係比較難遇, 平時搭開 K52 由屯門站去置樂 (恆順園分站) 通常都係 8-10 分鐘車程 (試過搭 K53 幾乎全順燈都要 6.5 分鐘), 但係頭車 (06:00 開) 竟然可以快到 5.5 分鐘就到, 反而 K51 頭車就同平時非繁忙時間差唔多 (05:45 富泰開, 06:08 到恆順園)。之後第二班車 (06:11 開) 又係咁上下快, 不過頭班 K53 (06:30 開) 同我搭 06:33 果班車已經要 10 分鐘先到。
去到悅湖山莊, 見到班特車 #412 已經o係 T39 總站前、小巴 44 總站後既位置等候, 唔係三菱都有些少可惜。不過為左影中電巴都想繼續入去 (早知上天水圍影 969 單層 man 同 265S 好過)。 呢班 K52 都有唔少人坐, 大部分人O係碼頭至蝴蝶上, 當中最多人當然係蝴蝶。過埋蝴蝶上層坐滿, 下層有少量人企, 不過一入到踏石角第一個站就落左廿幾三十人, 過埋踏石角就得番十幾人, 換言之好多人都只係坐十幾分鐘 (甚至更短) 就落車。呢班車全程都係 40 分鐘左右, 同平時非繁忙時間差唔多, 不過載客人數就多幾倍。
入到去真係後侮莫及, 唯一既正光位既前方有工程, d 車要行對面線過, 如果唔係排頭位都唔駛旨意影得好。再望一望個工程牌上... 完工日期係 29/8/2008。唉! 呢個位過多兩、三個星期都未必咁早正光, 八月份更加唔駛諗。
不過一場入到黎都唔想兩手空空出番去, 加上晨早溜溜入黎龍鼓灘呢 D 地方影相真係一年都唔逢一潤, 唯有落車搵下位影相。一落車相機都未拎出黎既時候, 特車已經o係後方出現, 仲要擺埋暫停服務個牌遮住特車牌... (心諗, 駛唔駛跟得咁近呀, 入到去龍鼓灘都要等前車開出黎先走到啦)。結果班特車都要等我坐果架車走左先爬到佢頭出番去做第二單。
行黎行去都唔覺有好位, 唯有行番轉頭。點知呢個時候已經有一行三部中電蘭入去... 激死! 果時見班 K52 特車剛剛私番出去, 諗住仲有兩班車時間慢慢影下, 於是決定去番正光位搏下。點知兩班 K52 都搏唔到。跟住我猶疑左一陣都係決定去龍鼓灘村第一個分站影 K52 特車。
總算影到, 不過司機叔叔似乎唔記得左拎走張暫停服務既牌... 論背景, 呢個位會靚過正光位, 不過呢個位影中電巴就唔掂。影完呢張冇耐, 離遠見到一部中電蘭停O係正光位, 於是就急步走過去。換唔切長鏡, 唯有用支短鏡影
下次捕中電巴都可能等八月尾九月入龍鼓灘影佢地出去。
港鐵 Enviro 500 造訪屯門站
港鐵行政總裁周松崗到訪屯門站, 造就 Enviro 500 現身屯門站的機會。
大約 15:00, #802 就由杯渡路西行就入屯門站。果陣 K53 連同 K52 兩味總共四部車仲休息緊, 所以部 #802 泊o係出面一陣, 等部分休息緊既車移位讓個空位出黎佢先入去。就o係呢個時候, #8104 就經過河傍街, 造就城巴與鐵巴既歐四 Enviro 500 相遇既一刻...
等到 K52 攝 K53 果班雙層車 (15:36 開) 泊去平時 61X 泊開既頭位, 部 #802 就駛入屯門站。
上面呢張相就等第三班 K53 (開 15:24) 入坑之後先影。
完成鐵巴三菱行 A73 全集
影完部貴賓專車之後就坐車返歸, 點知去到置樂行番屋企既途中見到 #309 行 A73 返碼頭。今次遇到佢之後, 下次再遇佢都可能要幾個禮拜、甚至幾個月, 於是就去番新墟影佢去天富。
影埋佢, #301-311 行 A73 就儲齊一套, 不過 #303 同 #308 兩部有機會都想影多次。
沒有留言:
發佈留言