部車大約 13:47 上公路, 一上去就拎定部相機諗住影下公路相, 一開始影左張 HN1537 行 60X 都順風順水。之後離遠望到部 B6 覺得怪怪地, 冇望清楚部車行乜線就準備影。由於當時部 66 行緊中線, 而對頭部 B6 又係行緊中線, 我就立即縮鏡就一就, 點鬼知部車又震自己隻手又早左按快門, 結果張相對焦對錯、快門又按錯, 部車就影到不知所謂。當時心諗冇乜野, 部車頂多咪做路線訓練, 點知放大一睇, 竟然係... 962X ! 雖然果個鐘數 962X 入屯門客量真係好差, 但我記得平時十一點幾十二點見果堆 962X 同 962B 出左去都會番入黎, 應該一樣唔會換車, 而 962X 之前果單出港島客量都未至於差到要用單層, 究竟部單層o係邊度黎呢?
(炒炒炒, 純綷一個紀錄。不過諗番起舊年第一次用手機影佢用 B6 行 B3, 之後隔左一段時間就有 B6 朝早行 B3 兩轉, 唔知 962X 會唔會隔一排就有 B6 做常用車, 順便慳番 d 隧道費) 之後又影到幾張公路相, 冇一張好似張 B6 咁炒粉, 不過最後都影唔到 63X 三菱既公路相, 只係o係屯公尾段見到佢o係麗城 (時間就真係預計既 14:00)。
FZ7068 大約 14 分鐘多 d 行完屯門公路, 部車一落荃灣就落大雨, 去到葵涌道先冇雨, 期間o係大窩口望到部藍老虎 FV5139 行 32B 落緊荃灣。去到長沙灣郵政局落車, 一過對面就見到佢...
HX8152 行走 52X (陰陽相)
可惜長沙灣一帶一直烏雲蓋頂, 而呢個本應正光既位就黑頭。呢張 63x 三菱都還算可以。
o係長沙灣影相期間一直諗緊部 B6 會唔會做多一單/一轉, 以客量計兩點幾出港島同四點幾入屯門客量都係幾差下, 用部 B6 都唔出奇。於是我就過左金鐘搏下。計番時間, 部 B6 係 13:10 由金鐘開車, 如果佢出番去就大約 14:30 於屯門開出, 大約 15:35-15:40 就會到金鐘。可惜, 去到金鐘等左三班 962X 等到 16:00 過後都唔見佢, 即係佢好大機會收左車。幸好金鐘既收穫都尚算可以
沒有留言:
發佈留言